Pode enviar ficheiros aos dispositivos Bluetooth conectados, tales como algúns teléfonos móbiles ou outros equipos. Algúns tipos de dispositivos non permiten a transferencia de ficheiros, ou tipos de ficheiros específicos. Pode enviar ficheiros usando a xanela de preferencias de Bluetooth.
Enviar ficheiros non funciona en dispositivos non compatíbeis como os iPhone.
Abra a vista de Actividades e comece a escribir Bluetooth.
Prema Bluetooth no lateral dereito.
Asegúrese que o Bluetooth está activado: o trocador da barra de título debería estar activado.
Na lista de Dispositivos, seleccione o dispositivo ao que quere enviar ficheiros. Se o dispositivo desexado non se mostra como Conectado na lista, debe conectarse a él.
Aparecerá un panel específico para o dispositivo externo.
Prema Enviar ficheiros… e aparecerá un selector de ficheiros.
Prema co botón dereito sobre o nome do ficheiro e seleccione Mover ao lixo.
Para enviar máis dun ficheiro nun cartafol, manteña pulsado Ctrl ao seleccionar cada ficheiro.
O propietario do dispositivo receptor normalmente ten que premer un botón para aceptar o ficheiro. Aparecerá un diálogo de Transferencia de ficheiros por Bluetooth que mostra unha barra de progreso. Prema Pechar cando se complete a transferencia.
Got a comment? Spotted an error? Found the instructions unclear? Send feedback about this page.
