Bateria-maila gaizki kalkulatu da
Bateriari zenbat energia geratzen zaion begiratzen duzunean, gerta daiteke bateriak denbora zehatz bat iraungo duen adieraztea eta benetan iraupena beste bat izatea. Hori gertatzen da bateriaren bizitza gutxi gorabeherako kalkulu bat delako. Normalean, kalkulu hori hobetzen doa denboran aurrera egin ahala.
Zenbat bateria geratzen den kalkulatzeko orduan, sistemak hainbat faktore hartzen ditu kontuan. Adibidez, ordenagailuak une horretan zenbat energia erabiltzen ari den hartzen da kontuan, energia-kontsumoa asko aldatzen baita faktore anitzen arabera: zenbat programa erabiltzen ari zaren, zenbat gailu dituzun konektatuta, zeregin astunak (adibidez, definizio altuko bideoak ikusi edo musika-fitxategiak bihurtu) exekutatzen ari bazara. Hori momentu batetik hurrengora aldatzen da eta ezin da erraz aurresan.
Beste faktore bat da ea nola deskargatzen den bateria. Zenbait bateriak, gero eta hutsago egon, azkarrago galtzen dute karga. Bateria nola deskargatzen den hobeto jakin ezean, geratzen den bateriaren kalkulua lausoagoa da.
Bateria deskargatzen den neurrian, energia-kudeatzaileak bere deskarga-propietateak ezagutuko ditu eta bere bizitzaren kalkuluak hobeak izango dira. Hala ere, inoiz ez dira izango erabat zehatzak.
Erabat ezinezkoa den bateria-bizitza jasotzen baduzu (adibidez, ehunka egun), horrek esan nahi du energia-kudeatzaileak zenbait datu falta dituela kalkulu zentzudunak egiteko.
Eramangarria desentxufatzen baduzu eta bateriarekin erabiltzen baduzu tarte batez, eta ondoren berrio entxufatzen baduzu eta kargatu dadin uzten baduzu, energia-kudeatzailea gai izan daiteke kalkuluak ondo egiteko behar dituen datuak eskuratzeko.