OpenPGP Gakoaren propietateak

Atal honetako deskribapenak OpenPGP gako guztietan aplikatuko dira.

PGP gako baten propietateak ikusteko:

  • Hautatu PGP gakoa leiho nagusian.
  • Egin klik bi aldiz edo aukeratu Propietateak tresna-barran.
  • Hautatu Xehetasunak fitxa.

5.1. Propietateak

Hatz-marka

Gakoa identifikatzen duen ezaugarri-kate bat da hatz-marka.

Gakoaren identifikazioa

Gakoaren identifikazioa hatz-markaren antzekoa da. Hala ere, Gakoaren identifikazioak hatz-markaren azken 8 karaktereak soilik ditu. Gehienetan gako bat Gakoaren identifikazioarekin soilik identifikatzeko aukera dago, baina batzuetan bi gakok identifikazio bera izan dezakete.

Mota

Gako bat sortzeko erabilitako enkriptatze-algoritmoa zehazten du. DSA gakoak sinatzeko soilik erabil daitezke. ElGamal gakoak enkriptatzeko erabiltzen dira.

Sortuta

Gakoa sortu zen data adierazten du.

Iraungitze-data

Adierazten du zein datatik aurrera ezingo den gakoa gehiago erabili.

Indarra

Gakoaren luzera adierazten du bitetan. Orokorrean gakoa zenbat eta luzeagoa izan, orduan eta segurtasun gehiago emango dizu.

Gako luze bat ez da nahikoa pasaesaldi ahul baten erabilera ordezteko.

5.2. Fidagarritasuna

Fidagarritasunak adierazten du zenbateraino zauden ziur pertsona batek gaitasuna duela sare fidagarria zuzen zabaltzeko. Zuk sinatu ez duzun gako baten aurrean aurkitzen zarenean, bildu dituen sinaduretan eta sinatu duten pertsonengan duzun fidagarritasunean oinarrituko da pertsona horren gakoaren balioa. Lehenespenez, gako ezezagun batek garrantzi gutxiko hiru sinadura edo fidagarritasun osoko sinadura bat beharko du.

  • Ezezaguna: ez dakizu pertsona hori gai den gakoak zuzen sinatzeko.
  • Inoiz ere ez: pertsona horrek ezin ditu gakoak zuzen sinatu.
  • Marjinala: pertsona horrek argazki-identifikazioa egiaztatzen du gako bat sinatu aurretik, baina ez ditu ezinbestean identifikazioak aztertzen.
  • Osoa: pertsona horrek pertsona guztien identifikazio-argazkiak aztertzen ditu sinatu aurretik (hau da, benetan pertsona bati dagozkion gakoak soilik sinatzen ditu, eta, horretarako, pertsona horren sinadura eskatzen du)
  • Azkena: fidagarritasun-maila hau zure gakoetan soilik ezarri beharko litzateke.

5.3. Gakoak aktibatzea eta desaktibatzea

Gako bat aktibatuta baldin badago, enkriptatzeko erabil daiteke. Gako bat desaktibatuta baldin badago, ezin da ez enkriptatzeko ez eta sinadurak egiaztatzeko erabili.

5.4. Iraungitze-data

Gako bat iraungita baldin badago, ezingo da gehiago erabili. Gako baten iraungitze-data luzatzean, berriro ere aktibatzen da. Onena litzake inoiz iraungitzen ez den gako maisu bat izatea eta gako horrekin sinatutako zenbait azpigako izatea.

5.5. Erabiltzaileen identifikazioa

Erabiltzaileen identifikazioak gako berarekin hainbat identitate eta helbide elektroniko erabiltzeko aukera ematen du.

Forma hemendik hartzen dute normalean:

Izena (iruzkina) <helbide elektronikoa>

5.5.1. Erabiltzaile-identifikazioa gehitzea

Erabiltzaile-identifikazio bat gehitzea erabilgarria da lanerako identitate bat eta lagunentzako beste bat eduki nahi duzunean.

Gako batean erabiltzaile-identifikazio bat gehitzea:

  • Hautatu gakoa leiho nagusitik.
  • Egin klik bikoitza edo aukeratu tresna-barrako Propietateak,
  • Hautatu Izenak eta sinadurak fitxa.
  • Egin klik Gehitu izena.botoian.

Gaineko argibideei jarraitu ondoren, elkarrizketa-koadro bat agertzen da. Bete behar dituzun eremuak hemen zehaztuta dauzkazu:

Izen-abizenak

Idatzi izen-abizenak

<izena> <abizena>
-en. Bigarren abizena edo inizialak ez dira beharrezkoak.

Gutxienez bost karaktere idatzi behar dituzu eremu honetan.

Helbide elektronikoa

Zure helbide elektronikoaren bidez kokatuko du jendeak zure gakoa gako-zerbitzari batean edo beste gako-hornitzaile batean. Ziurtatu zuzen dagoela jarraitu aurretik.

<erabiltzaile-izena>>@<domeinu-izena>
en formakoa izan beharko luke.

Gakoaren iruzkina

Zure identifikazio berriaren izenari informazio gehigarria eransteko, iruzkinaren eremua erabil daiteke. Informazio hori gako-zerbitzarietan bila daiteke.

5.6. Identifikazio-argazkiak

Gakoaren jabearen argazki bat edo gehiago txertatzeko aukera ematen du identifikazio-argazkiak Identitate hauek erabiltzaile-identifikazio normalen moduan sina daitezke. Identifikazio-argazkiek JPEG formatuan egon behar dute, eta 240x288 pixel baino gehiagokoak ez izatea gomendatzen da.

If the chosen image is not of the required file type or size Passwords and Keys can resize and convert it on the fly from any image format supported by the GDK library.

5.7. Pasaesaldia aldatzea

Gako baten pasaesaldia aldatzeko:

  • Hautatu gakoa leiho nagusitik.
  • Egin klik bi aldiz edo aukeratu Propietateak tresna-barran.
  • Egin klik Aldatu botoian.

Idatzi pasaesaldi berria eta sakatu Ados.

5.8. Gako bat ezabatzea

Zure gako sortatik gako bat ezabatzeko:

  • Hautatu gakoa leiho nagusitik.
  • Egin klik eskuineko botoiaz gainean eta aukeratu Ezabatu gakoa edo aukeratu Editatu ▸ Ezabatu gakoa.

Gakoak, gako fidagarriak eta bildutako gakoak ezaba ditzakezu.