Comezo
As seguintes seccións describen como iniciar o Terminal de GNOME.
2.1. Inicio do Terminal de GNOME
Pode iniciar o Terminal de GNOME das seguintes maneiras:
- Mediante o menú
-
Seleccione
. - Mediante a liña de ordes
-
Execute a orde: gnome-terminal
Pode empregar opcións de liña de ordes para modificar o xeito no cal se executa o Terminal de GNOM. Para ver as opcións de liña de ordes execute a orde: gnome-terminal --help
2.2. Ao iniciar o Terminal de GNOME por primeira vez
Ao iniciar o Terminal de GNOMEpor primeira vez o aplicativo abre unha xanela de terminal cun grupo de opcións predefinidas. O grupo de opcións predefinidas chámase Perfil predeterminado. O nome do perfil aparece na barra de título da xanela do Terminal de GNOME.
A xanela de terminal mostra un indicador de liña de ordes no que pode escribir ordes de UNIX. O indicador de liña de ordes pode ser un %, #, >, $, ou calquera outro carácter especial. O cursor está situado no indicador da liña de ordes. Cando escribe unha orde de UNIX e preme Intro, o computador executa a orde. De forma predeterminada o Terminal de GNOME emprega o intérprete de ordes prederminado especificado para o usuario que inicia o aplicativo.
O Terminal de GNOME tamén define as seguintes variábeis de de contorno:
- TERM
-
Definida como xterm de xeito predeterminado.
- COLORTERM
-
Definida como gnome-terminal de xeito predeterminado.
- WINDOWID
-
Definida como o identificador de xanela de X11 de xeito predeterminado.
2.3. Perfís de terminal
Pode crear un novo perfil, e aplicar o novo perfil ao terminal para modificar características como o tipo de letra, a cor e os efectos, o comportamento do desprazamento, o título da xanela e a compatibilidade. Tamén pode especificar no perfil unha orde que se executa automaticamente ao iniciar o Terminal de GNOME.
Os perfís de terminal defínense na caixa de diálogo Perfís, á cal se pode acceder desde o menú . Pode definir tantos perfís como lle fagan falta. Ao iniciar un terminal, poderá escoller o perfil co que desexa empregar o terminal. Tamén pode cambiar o perfil de terminal ao empregar o terminal. Para especificar un perfil inicial para un terminal cando inicia o aplicativo desde unha liña de ordes empregue a seguinte orde:
gnome-terminal --window-with-profile=profilename
O nome do perfil actual aparece na barra de título do Terminal de GNOME, a menos que especifique unha barra de título diferente na caixa de diálogo Editando o perfil.
Consulte Sección 3.2 ― Xestión de perfís para obter máis información sobre como definir e empregar un novo perfil de terminal.
2.4. Traballo con varios terminais
O Terminal de GNOME ten unha característica que permite abrir varios terminais nunha única xanela empregando lapelas. Cada terminal ábrese nunha lapela separada. Prema na lapela axeitada para mostrar o terminal na xanela. Cada terminal en lapela dunha xanela é un subproceso separado, de xeito que pode empregar cada terminal para tarefas diferentes. Pode aplicarlle un perfil diferente a cada terminal en lapela dunha xanela.
A barra de título dunha xanela de terminal mostrar o nome do perfil actual, ou o nome especificado no perfil actual. Figura 2 mostra unha xanela do Terminal de GNOME con catro lapelas. Neste caso cada unha das catro lapelas ten un perfil diferente. O nome do perfil da lapela activa, Profile 1, aparece na barra de título.
Consulte Sección 3.1 ― Apertura e peche de terminais para obter información sobre como abrir un novo terminal con lapelas.