Sudokua inprimatzea

GNOME Sudokuk zenbaki-sareak inprimatzeko aukera ematen du, paperean jolasteko. Erabilgarria da ordenagailua utzi behar baduzu baina hasita daukazun zenbaki-sare bat amaitu nahi baduzu, edo geroago egiteko zenbaki-sare sorta bat inprimatu nahi baduzu.

Erdi egina duzun zenbaki-sarea inprimatzeko, egin klik Inprimatu botoian edo hautatu Jokoa ▸ Inprimatu. Jada jarri dituzun zenbakiak ere inprimatuko ditu.

Hutsik dauden zenbaki-sareak inprimatzeko, hautatu Jokoa ▸ Inprimatu sudoku bat baino gehiago .

Inprimaketaren elkarrizketa-koadroa agertuko da eta bertan aukeratu ahal izango duzu zenbat zenbaki-sare inprimatu nahi duzun eta orri bakoitzean zenbat zenbaki-sare nahi dituzun (orri bakoitzean zenbat eta zenbaki-sare gehiago inprimatu, orduan eta txikiagoak izango dira zenbaki-sareak).

Zenbaki-sareen zailtasun-maila ere aukeratu ahal izango duzu. Errazenetik zailenerako ordenan inprimatuko ditu.

25 orrialdeko sudoku-liburuxka bat sortzeko, 100 sudoku inprimatzea hauta dezakezu, 4 sudoku orrialdeko, errazenetik zailenera.

Figure 7Sudoku aplikaziotik sudoku-liburuxka bat inprimatzea.

Lehenespenez, Sudoku aplikazioak ez ditu jada eginak dituzun zenbaki-sareak inprimatuko. Lagun batentzat zenbaki-sareak inprimatzen ari bazara, edo jada egindakoak berriro egiteak axola ez badizu, aktibatu Sartu jada egin dituzun jokoak inprimatzeko jokoen zerrendan aukera.

Inprimatu nahi dituzun zenbaki-sareak eskuz ere hauta ditzakezu. Horretarako, zabaldu ezazu Jokoen zerrenda eta hautatu zerrendan nahi dituzun zenbaki-sare guztiak.