Estatistikak

Estatistiken programak aukera ematen dizu ordenagailu eramangarriaren energia-kontsumoa ikusteko.

Baina kendu egin da GNOME Energia-kudeatzailearen aurreko bertsioetako informazio-leihotik, datu-interfazeak orain DBUS erabiltzen duelako, eta ez barne IPCa. Horrek aukera ematen die beste aplikazioei datak eskatzeko eta bistaratzeko, behar izanez gero.

Figure 6Energiaren historia bateriatik korronte alternora

Beharrezko hardwarea eduki ezean, baliteke aukera edo grafiko batzuk ikusi ahal ez izatea. Era berean, baliteke hemen erakutsitako hardwareren bat ikustea (UPS gailuak, esate baterako), baina beste gailuen modu berean tratatzen dira.

4.1. Kargaren historia

Grafiko honek erakusten du lehen mailako bateria konposaturako erabilgarri dagoen kargaren ehunekoa; horrela, batera eramangarri nagusi bat eta bateria laguntzaile bat edukiz gero, batez besteko balioa bakarrik erakutsiko da. Grafikoak ez du legendarik.

4.2. Energiaren historia

Grafiko honek lehenengo mailako bateria konposatuak erabilitako karga-energiaren historia erakusten du. Lerro honek sistemako bateriak kargatzeko erabilitako energia kopurua edo sistemak erabilitako bateria-energia adierazten ditu. Lerroa goraka joaten ikusi beharko zenuke prozesadorea lan intentsiboak egiten ari denean, eta beheraka sistema inaktibo dagoenean, edo pantaila energia aurrezteko moduan dagoenean. Legenda bat erakusten da grafikoarekin batera, datu-gertaerak jasotzen direnean.

Ordenagailuak ez dizu daturik bidaliko kargatzen edo deskargatzen ari ez bada, edo ordenagailua esekita badago. Hori hardware-mugak direla-eta gertatzen da, datuak bateria kudeatzeko txipak bakarrik bidaltzen dituelako, eta ez plaka nagusiko energia kudeatzeko txipak.

4.3. Estimatutako denboraren historia

Grafiko honetan, lehenengo mailako bateria konplexuaren estimatutako kargaren historia erakusten da. Lerro honek kargatu arte behar den denbora kopurua adierazten du, edo deskargatu bitarteko denbora kopurua. Marrak proportzionalki igo beharko luke energia jaistean, eta jaitsi, energia igotzean. Legenda bat erakusten da grafikoarekin batera, datu-gertaerak jasotzen direnean.