Propiedades da unidade de gravación

Antes de iniciar o proceso de gravación é posíbel cambiar algunhas das propiedades da unidade de gravación que se vai usar.

Sección Velocidade de gravación:

Seleccione a velocidade de gravación desde a lista despregábel. Para seleccionar o mellor valor, comprobe a carcasa do CD/DVD.

A gravación dun disco con unha velocidade superior á admitida pode causar a creación de discos ilexíbeis. Use velocidades de disco menores para reducir as posibilidades de que isto aconteza.

Sección Opcións:
  • Gravar a imaxe directamente sen gardala no disco

    Seleccione esta opción se quere gravar a imaxe directamente no disco sen gravalo no disco duro e sen crear unha imaxe de disco.

  • Usar burnproof (diminúe o risco de erros)

    Seleccione esta opción para previr o efecto buffer underrun (ou buffer underflow). Isto sucede cando o computador non é suficientemente rápido enviando datos á unidade de gravación coa velocidade de gravación seleccionada.

    Se se produce o buffer underrun, o disco gravado non será lexíbel.

  • Simular a gravación

    Seleccione esta opción para simular o proceso de gravación. Non se fará unha gravación real. Se esta operación remata con éxito, Brasero gravará o disco logo dunha pausa de 10 segundos. durante esta pausa mostrarase un diálogo no que poderá cancelar a gravación actual. Isto é útil para comprobar se hai problemas ao gravar os discos.

  • Extraer logo de gravar

    Seleccione esta opción para extraer o disco da unidade de gravación cando o proceso de gravación remate.

Sección Ficheiros temporais:

Seleccione o caratafol a usar para almacenar os ficheiros temporais creados no proceso de gravación desde a lista despregábel.

O cartafol predefinido é /tmp.

3.6.1. Propiedades de gravación sen disco

Se inicia o proceso de gravación sen un CD ou DVD na unidade de gravación, Brasero creará unha imaxe de disco que pode gravar posteriormente.

Sección Seleccione un disco onde escribir:

Desde esta lista despregábel vostede pode seleccoinar só un Ficheiro de imaxe.

Sección Etiqueta do disco:

Escriba o nome que quere darlle ao disco unha vez gravado.

Sección Opcións do disco:
  • Incrementar a compatibilidade con sistemas Windows

    Seleccione esta opción se quere usar o disco en computadores executando Windows. Os ficheiros do disco serán verificados para asegurarse que os seus nomes non conteñen caracteres que son incorrectos en Windows.

Prema en Propiedades para abrir o diálogo de Propiedades do ficheiro de imae de disco. Na caixa de texto Nome, escriba o nome do ficheiro de imaxe e seleccione a imaxe a usar desde a lista despregábel Tipo de imaxe.

Unha vez rematado, prema en Aplicar.