Arrano-hegalak

Rosanna Yuen-ek idatzia

3.22.1. Konfigurazioa

Karta mota Karta sorta estandarra
Sorta Goiko ezkerreko pila. Karta sortaren gainerako zatia hemen kokatzen da mahaian eskualdi bat banatutakoan. Kartak banan-banan iraultzen dira hondarrera. Beste bi aldiz banatu daiteke.
Hondarra Sortaren eskuinean. Sortatik hartzeko. Goiko karta jokoan erabiltzeko prest dago.
Oinarriak Lau pila goian, eskuinean. Joko-hasieran, karta bat jartzen da lehen oinarrian; hori da oinarrizko karta. Oinarrizko kartaren maila bereko karta batekin hasi behar dute gainerako oinarriek. Irudien arabera gorantz osatu behar dira, oinarrizko kartatik hasita.
Biltegia Erdiko (eta behe-beheko) gunea. Hemen hamahiru karta banatzen dira behera begira. Buelta eman kartari mahaiko edozein toki betetzeko. Biltegian karta bakarra dagoenean, gora begira jartzen da eta oinarrian edo mahaiko piletan erabil daiteke.
Mahaia Zortzi gune (lau biltegiaren ezkerraldean eta lau eskuinaldean). Jarri karta bat gune bakoitzean, gora begira. Mahaiko pilak beherantz osa daitezke, irudia kontuan hartuta. Kartak banaka mugi daitezke mahaiko beste guneetara, edo multzoan oinarrira. Mahaiko gune bakoitzean hiru karta egon daitezke, gehienez.

3.22.2. Xedea

Karta guztiak oinarri-piletara eramatea.

3.22.3. Arauak

Mahaiko kartak beherantz osa daitezke, irudiaren arabera. Kartak banan-banan mugitu behar dira mahaiko beste pila batera. Dena den, horren aspergarria izan ez dadin, karta multzoak mugi daitezke oinarrira. Mahaiko gune hutsak automatikoki betetzen dira biltegitik. Biltegia hutsik badago, hondarreko edo mahaiko pila bateko karta batekin betetzen dira toki hutsak.

Biltegiaren funtzio nagusia mahaiko toki hutsak hornitzea da. Dena den, biltegian karta bakarra geratzen denean, gora begira jarriko da eta jokoan erabili ahal izango da.

Kartak banaka iraultzen dira pilatik hondarrera. Sorta hustutakoan, eraman hondarreko karta guztiak sortara, ordena errespetatuz. Hiru aldiz pasa daitezke kartak sortatik hondarrera.

Irudia kontuan hartuta osatzen dira oinarriak, oinarrizko kartatik abiatuta (lehen oinarrian banatutako lehen karta). Oinarri berriak abiarazteko, banatzean lehen oinarrian jarritako kartaren maila bereko karta jarri behar da oinarri-pila hutsetan. Batekoak erregeen gainean jartzen dira eta bikoak batekoen gainean. Oinarrietako kartak ezin dira jokoan erabili.

3.22.4. Puntuak

Oinarri-piletako karta bakoitzeko, puntu bat.

Puntuaziorik altuena: 52

3.22.5. Estrategia

Pixka bat planifikatzeak bide luzea egiten lagunduko dizu. Ondo pentsatu kartak mahaian pilatu aurretik. Gogoan izan toki berean gehienez hiru karta egon daitezkeela.