Подготвување за ерата на добриот изглед
Додека 2.16 продолжува да го подобрува GNOME со корисни опции, го прави полесен за работа и ги отсранува грешките, исто така зачекорува во ерата на унапредувањето на добриот изглед на средината: прозорци кои се клацкаат, исчезнуваат, избледнуваат, се смалуваат или експлодираат -- таквите ефекти се можни поради тековните напредувања на хардверот за графика.
Некои од овие промени се сѐ уште под развој и не се стандардно овозможени: треба да користите специјална конфигурација за да ги користите. Сепак, тие овозможуваат краток поглед врз она што треба да биде во иднина.
Појди на кратко патување во иднината!
1.1. Напредни 3Д ефекти
Metacity, стандардниот менаџер за прозорци на GNOME, ги прави своите први чекори во 3Д светот на десктоп компјутерите. Многу од додатоците на неговиот енџин за исцртување овозможуваат прозорците да се клацкаат, да се смалуваат, бледнеат, експлодираат, да скокат при фокусирање, и да прикажат други интересни и невообичаени ефекти како што се имањето на различно ниво на провидност за различни типови на прозорци како што се дијалози, менија и главни прозорци.
Иако стандардно ги нема, новите ефекти на исцртување на Metacity се достапни само со компајлирање со специјалната опција --enable-compositor. Новите опции за исцртување зависат на поддршката за проширувањето GLX_texture_from_pixmap кое моментално е достапно само за сопствениците на Intel i830 сѐ до i945 и на ATI Radeon моделите од 7000 до 9250.
“Важно е да се напомени,” вели Vincent Untz, член на тимот за изданија ан GNOME, “дека ова е моментално во работа и дека повеќе ќе биде истакнато во 2.18”.
Кога Metacity е искомпајлиран со потребната опција, ефектите ќе може да се вклучуваат и исклучуваат без рестартирање или нова најава и апликациите со ова ќе имаат предност. На пример, терминалот на GNOME сега ќе може да користи вистинска провидност.
1.2. Почисти теми за икони, Cairo и Wanda
GNOME 2.16 не овозможува само убав изглед за љубопитните тестери; има повеќе промени кои се веднаш воочливи: подобрена тема за икони која ги следи директивите за стил на Tango, нов преглед на настаните во календарот во модулот за апликацијата за е-пошта на GNOME Evolution, и добар фејс-лифт на Wanda -- рибата на GNOME која кажува мудрости.
Новата тема за икони на GNOME 2.16 ги следи директивите предложени од Tango проектот, притоа усогласувајќи се со графичката околина. До сега следејќи ги Freedesktop спецификациите за именување, темата за икони на GNOME сега работи и на апликации напишани за другите работни околини како KDE или XFce.

Дополнително, темата за икони беше исто така расчистена: многу икони за апликациите се добиваат заедно со нивните апликации, што ги прави употребливи во различни работни околини. Сега многу од иконите се со скалабилни, што значи дека ќе можете да ја промените нивната големина, а тие сѐ уште ќе изгледаат добро! Новата стандардна мета-тема на GNOME исто така помина низ расчистување.
Уште разубавувања има и во модулот за календар на Evolution: тој сега користи Cairo за прикажување на попривлечен преглед на настаните: Тие сега имаат заглавие на врвот кое го прикажува времето на започнување и времето на завршување ако ја промените големината на иконата на настанот. Избраните настани сега се прикажани фрлајќи сенка. Cairo е 2-димензионална библиотека за графика, дизајнирана за поддршка на бројни модерни графички техники, како што се замазнување, алфа забледување и антиалиасинг.
Слатката мала рипка на GNOME, Wanda, која кажува мудри мисли, доби фејс-лифт. Бидејќи е стар придружник на GNOME, дури од неговиот почеток, некои мислат дека ова е најважната промена на GNOME 2.16.