Што е ново за корисниците
- 1.1. Работна површина
- 1.2. Апликации
- 1.3. Контролен центар
- 1.4. Услужни
- 1.5. Игри
1.1. Работна површина
- 1.1.1. Изглед и чувство
- 1.1.2. Менаџерот за датотеки
- 1.1.3. Површина за копирање
- 1.1.4. Панелот
1.1.1. Изглед и чувство
Гном 2.12 претставува нова стандардна тема позната како "Clearlooks" која што ја прави Вашата работна околина многу попривлечна и секако едноставна.
1.1.2. Менаџерот за датотеки
Менаџерот за датотеки исто така познат како Наутилус, во Гном 2.12 доаѓа со неколку подобрувања на корисничкиот интерфејс. Најприметливо е тоа што прегледот на листа сега покажува датотеки во директориумите со што Ви се овозможува да се движите подолу во некоја подпапка и да отворате нов прозорец за нова папка само доколку тоа Ви е потребно. Исто така менито со обележувачи овој пат ги покажува истите локации како и дијалогот за избор на датотеки.
Во Гном 2.12 влечењето на текст од апликација до прозорец со папка ќе Ви зачува доста време преку креирање на нов текст документ. Исто така ќе забележите дека Гном сега покажува и преглед на текстот што се влече, наместо да прикажува само икона.
Исто така направени се и големи подобрувања врз режимот за разгледување, со што режимот е направен сличен со постоечкиот избирач на датотеки во Гном:
- Местата и обележувачите можат да бидат прикажани на страничната површина.
- Локацијата сега е покажана со лентата за патека наместо преку текстуален запис. Текстуалната патека е сеуште достапна преку кратенката Control-L.
Едноставната опција за снимање на CD-иња во Гном сега може да копира и аудио CD-иња како и CD-иња со податоци. Само кликнете со десното копче на CD-то веднаш откако ќе го внесете.
1.1.3. Површина за копирање
Гном сега ги памти податоците што ги копирате, дури и откако ќе го затворите прозорецот од кој што сте копирале. Овој долг проблем е конечно решен без проблеми во перформансите кои што обично се поврзани со демонот за програмата за копирање.
1.1.4. Панелот
Панелот кој што нормално го гледате на врвот на екранот Ви дозволува да подигнувате апликации и да контролирате разни аспекти од Вашата работна околина. Благодарение на ротирачките менија, во Гном 2.12 можете да користите и вертикални менија и панели.
Исто така ќе забележите и дека прозорците на апликациите светкаат во листата на прозорци за да Ви сигнализираат дека се спремни. На пример, прозорецот на апликацијата за инстант пораки може да светне доколку пријател Ви испрати порака.
1.2. Апликации
- 1.2.1. Видео пуштач
- 1.2.2. „Рипување“ на CD-иња
- 1.2.3. Веб прелистувач
- 1.2.4. Еволушн
1.2.1. Видео пуштач
Видео пуштачот на Гном, "Тотем" го користи фрејмворкот Гстример. Во Гном 2.12 видео пуштачот доаѓа со странична лента наместо со посебен прозорец, и овојпат поддржува и DVD менија и преводи.
1.2.2. „Рипување“ на CD-иња
„Рипувачот“ на CD-иња за Гном едноставно вади музика од Вашите аудио CD-иња која што потоа можете да ја слушате на Вашиот компјутер или пак на Вашиот преносен музички уред. Сега можете да пуштате песни дури и пред да ги извадите. Последната верзија исто така со помош на VFS системот на Гном може да вади датотеки од мрежни сервери и преносни уреди.
1.2.3. Веб прелистувач
Гномовиот веб прелистувач "Епифани" е базиран на Мозила и целосно се вклопува во работната околина Гном. Подобрувањата во 2.12 носат
- Лента за пребарување, како онаа во Фајрфокс и како она претходно популарно проширување за Епифани. Ова Ви дозволува да пребарувате текст на страница без да ја покриете страницата со дијалог за пребарување.
- Почисти пораки за грешките прикажани директно во прелистувачот.
- Го користи стандардниот систем на Гном за печатење.
- Обележувачите можат лесно да бидат споделени преку мрежа.
1.2.4. Еволушн
Интегрираниот клиент за е-пошта, Еволушн, поддржува традиционално поставување за пошта како и Новел Групвајз и Мајкрософт Ексчејнџ. Со Еволушн можете да читате, пишувате и да се справувате со Вашите пораки, контакти и закажани настани.
Во Гном 2.12 Еволушн има поедноставен изглед за користење како и лента за привезоци и дозволува внатрешно PGP кодирање и PGP потписи. Календарот сега дозволува делегирање на Вашите состаноци.
Прокси и IMAP сметките во Групвајз се исто така поддржани. Решени се и некои проблеми со компатибилноста со Мозила Тандербрд и IMAP.
1.3. Контролен центар
- 1.3.1. За мене
- 1.3.2. Преференци на глувчето
1.3.1. За мене
Гном сега доаѓа и со контролен панел „За мене“ во кој што можете да ги внесете Вашите лични детали како на пр. Вашите телефонски броеви, адреси, адреси за е-пошта и идентификации за инстант разговори без додатно да ги внесувате во сите апликации кои што ги користите. Тука исто така можете и да си ја менувате лозинката.
1.4. Услужни
Услужните алатки на Гном доаѓаат со некои подобрувања како на пример:
- 1.4.1. Прегледувач за документи
- 1.4.2. Прегледувач за слики
- 1.4.3. Прегледувач за помош
- 1.4.4. Пребарување
- 1.4.5. Речник
1.4.1. Прегледувач за документи
Гном 2.12, како замена за старите посебни PDF и .ps прегледувачи овојпат доаѓа со нов прегледувач на документи познат како "Евинс". Овој нов прегледувач е поедноставен и пофин со доста корисна опција за пребарување и можност за прикажување на повеќе страни одеднаш.
1.4.2. Прегледувач за слики
Прегледувачот на слики во Гном сега покажува слики со исправки на бојата и користи ICC профили.
1.4.3. Прегледувач за помош
Прегледувачот за помош на Гном сега го користи истиот енџин како и веб прелистувачот Епифани. Изгледот, брзината и стабилноста се многу подобрени.
Јелп исто така доаѓа со подобрена поддршка за одредено форматирање на локале дозволувајќи документацијата да биде рендерирана користејќи правила од одреден јазик, одличен додаток во новиот систем за преведување кој што им овозможува на преведувачите да преведуваат документација лесно како што преведуваат и апликации.
1.4.4. Пребарување
Алатката на Гном за пребарување сега покажува и сликички наместо само обични икони.