Uso
3.1. Engadir un novo usuario
Pulse no botón Add no diálogo principal, amosarase unha nova fiestra que lle preguntará polos datos do novo usuario. Para engadir un novo usuario, debe proporcionar polo menos o nome de usuario e contrasinal (xerada automaticamente ou inseríndoa á man). Opcionalmente pode especificar ou modificar o nome real, localización da oficina, teléfono do traballo, teléfono persoal, grupo principal, intérprete de ordes empregado, cartafol de usuario, ID de usuario e unha lista dos grupos secundarios para o usuario.
O grupo principal, intérprete de ordes, cartafol de usuario e ID de usuario son automaticamente completados dependendo do perfil seleccionado.
3.2. Modificar un usuario existente
Seleccione o usuario que quere modificar e pulse o botón Propiedades, unha fiestra similar á empregada para engadir novos usuarios aparecerá con tódolos datos do usuario, permitíndolle a modificación dos mesmos.
3.3. Eliminar un usuario existente
Seleccione o usuario ou usuarios que quere eliminar e pulse no botón Eliminar no separador Usuarios, debido á importancia destes datos, pediráselle confirmación para cada usuario que queira eliminar.
Por razóns de seguranza, o cartafol persoal dos usuarios eliminados non será borrado.
3.4. Engadir un novo grupo
Pulse o botón Engadir no diálogo de grupos, amosarase unha nova fiestra que lle preguntará polos datos do novo grupo. Para engadir un novo grupo, debe proporcionar polo menos o nome do grupo e o ID do mesmo. Opcionalmente pode especificar que usuarios pertencen a este.
3.5. Modificar un grupo existente
Seleccione o grupo que quere modificar no diálogo de grupos e pulse o botón Propiedades. Amosarase unha fiestra cos datos do grupo que lle permitirá modificalos.
3.6. Eliminar un grupo existente
Seleccione o grupo ou grupos que quere eliminar no diálogo de grupos e pulse o botón Eliminar no separador de Grupos, debido á importancia destes datos, pediráselle confirmación por cada grupo que queira eliminar.