Comezo
2.1. Iniciar o reprodutor de filmes Totem
Pode iniciar o reprodutor de filmes Totem das seguintes maneiras:
- Mediante o menú
-
Seleccione
. - Mediante a liña de ordes
-
Para iniciar o reprodutor de filmes Totem desde a liña de ordes, escriba a seguinte orde, e prema Intro:
totem
Para ver as diferentes opcións de liña de ordes dispoñíbeis escriba totem --help e prema Intro.
2.2. Ao iniciar o reprodutor de filmes Totem
Cando se inicia o reprodutor de filmes Totem móstrase a seguinte xanela.
A xanela do reprodutor de filmes Totem contén os seguintes elementos:
- Barra de menús.
-
Os menús da barra de menús conteñen todas as ordes que necesite empregar no reprodutor de filmes Totem.
- Área de visualización.
-
A área de visualización mostra o filme ou unha visualización da canción actual.
- Barra lateral.
-
A barra lateral mostra as propiedades do ficheiro reproducido e actúa como lista de reprodución. Tamén a poden empregar varios engadidos, como os engadidos de MythTV, YouTube e Busca de vídeo. Poden seleccionarse premendo na lista despregábel situada na cima da barra lateral.
- Control desprazábel do tempo transcorrido.
-
O control desprazábel de tempo transcorrido mostra o tempo transcorrido do filme ou canción que se está reproducindo. Tamén lle permite saltar cara adiante ou cara atrás no filme ou canción arrastrando a asa do control desprazábel ao longo da barra, ou premendo nun punto da barra.
- Botóns de control de desprazamento.
-
Os botóns de control de desprazamento permítenlle moverse á seguinte ou á anterior pista, e deter ou reproducir un filme ou canción.
- Botón de volume.
-
O botón de volume permítelle axustar o volume.
- Barra de estado.
-
A barra de estado mostra información do estado do filme ou da canción que se está reproducindo.