OpenPGP Azpigakoen propietateak

OpenPGP gako bakoitzak gako maisu bat erabiltzen du sinatzeko. Azpigakoak enkriptatzeko eta sinatzeko erabiltzen dira. Hala, zure azpigakoa itunduta baldin badago, ez duzu gako maisua errebokatu beharrik.

Identifikazioa

Hau da azpigakoaren identifikatzailea.

Mota

Azpigako bat sortzeko erabilitako enkriptatze-algoritmoa zehazten du. DSA gakoek sinatu soilik egin dezakete, ElGamal gakoak enkriptatzeko erabiltzen dira eta RSA gakoak sinatzeko edo enkriptatzeko erabiltzen dira.

Sortuta

Gakoa sortu zen data adierazten du.

Iraungitze-data

Adierazten du zein datatik aurrera ezingo den gakoa gehiago erabili.

Egoera

Mezuaren egoera adierazten du.

Indarra

Gakoaren luzera adierazten du bitetan. Orokorrean gakoa zenbat eta luzeagoa izan, orduan eta segurtasun gehiago emango dizu.

Gako luze bat ez da nahikoa pasaesaldi ahul baten erabilera ordezteko.

6.1. Azpigako bat gehitzea

Gako batean azpigako bat gehitzeko, egin klik Azpigakoak menuko Gehitu botoian

Gaineko argibideei jarraitu ondoren, elkarrizketa-koadro bat agertzen da. Bete behar dituzun eremuak hemen zehaztuta dauzkazu:

Gako mota

Azpigako bat sortzeko erabilitako enkriptatze-algoritmoa zehazten du.

DSA

Erabili Sinadura digitalaren algoritmoa (DSA) azpigakoa sortzeko. Azpigakoak sinatu soilik egin dezake.

ElGamal

Erabili ElGamal algoritmoa azpigako bat sortzeko. Azpigakoak enkriptatu soilik egin dezake.

RSA

Erabili Rivest-Shamir Adleman algoritmoa (RSA) azpigakoa sortzeko. Azpigako hori sinatzeko edo enkriptatzeko erabil daiteke, baina bi azpigako sortu beharko dituzu.

Gakoaren luzera

Azpigakoaren luzera adierazten du bitetan. Orokorrean gakoa zenbat eta luzeagoa izan, orduan eta segurtasun gehiago emango dizu.

Iraungitze-data

Adierazten du zer datatik aurrera ezin izango den azpigakoa gehiago erabili.

6.2. Azpigakoaren iraungitze-data aldatzea

Azpigako baten iraungitze-data aldatzeko, hautatu azpigakoa Azpigakoak sailean, eta:

  • Egin klik ezkerreko Iraungi botoian.
  • Dataren elkarrizketa-koadroan aukeratu iraungitze-data berria edo hautatu Ez da iraungitzen iraungitze-datarik izan ez dezan.

6.3. Azpigako bat errebokatzea

Azpigako bat errebokatzeko, hautatu azpigakoa Azpigakoak sailean, eta:

  • Egin klik ezkerreko Errebokatu botoian.

  • Aukeratu azpigakoa errebokatzeko arrazoia:

    Ez dago arrazoirik

    Ez dago arrazoi zehatzik gakoa errebokatzeko.

    Itunduta

    Gakoa itundu egin da.

    Ordeztuta

    Beste gako batek zure gakoa ordeztu du.

    Erabili gabe

    Gakoa ez da gehiago erabiliko.

  • Idatz ezazu zergatik ari zaren gakoa errebokatzen,

  • Egin klik Errebokatu botoian.

Azpigakoa mementoan errebokatuko da.

6.4. Azpigako bat ezabatzea

Azpigako bat ezabatzeko, hautatu azpigakoa Azpigakoak sailean, eta:

  • Egin klik ezkerreko Ezabatu botoian.