Rhythmbox musika-erreproduzitzailea erabiltzea

4.1. Musika erreproduzitzea

Pista bat erreproduzitzeko, aukeratu Kontrola ▸ Erreproduzitu, edo hautatu pista, eta sakatu tresna-barrako Erreproduzitu botoia, edo, besterik gabe, egin klik bikoitza pistan erreproduzitzen has dadin.

Pista amaitutakoan, Rhythmbox musika-erreproduzitzaileak jauzi egingo du ikusteko panelean erakutsitako zerrendako hurrengo pistara.

Liburutegian artista nahiz album bakarraren abesti guztiak erreproduzitzeko, hautatu Albuma edo Artista sarrerak liburutegi-arakatzailean.

4.1.1. Hurrengoa/Erreproduzitu/Aurrekoa

Hurrengoa eta Aurrekoa botoiak pisten artean jauzi egiteko erabil daitezke, erreproduzitzen ari den bitartean. Pista bat erreproduzitzen ari bada, aurreko botoiarekin pista horren hasierara joango da. Erreproduzitu botoia sakatuz gero, berriz, uneko pista erreproduzitzen hasiko da.

4.1.2. Errepikatu

Errepikatu aukerarekin, Rhythmbox musika-erreproduzitzailea hasiko da pistak berriro erreproduzitzen zerrenda-hasieratik.

Errepikatzea aktibatzeko, aukeratu Kontrola ▸ Errepikatu, edo sakatu tresna-barrako Errepikatu botoia.

4.1.3. Ausaz

Ausaz aukerarekin, Rhythmbox musika-erreproduzitzaileak ausazko hurrenkeran erreproduzituko ditu pistak.

'Ausaz' aktibatzeko, aukeratu Kontrola ▸ Ausaz, edo sakatu tresna-barrako Ausaz botoia.

4.1.4. Bolumen-kontrola

Bolumen-kontrola tresna-barrako eskuinaldean dago. Bozgorailuaren ikonoa sakatuz gero, bolumen-graduatzailea bistaratuko da. Gora nahiz behera graduatuz gero, bolumena igo eta jaitsi egingo da. Bozgorailuaren ikonoa aldatu egingo da, bolumen erlatiboaren arabera.

Bolumena doitzeko, erabili saguaren gurpila bozgorailuaren ikonoaren gainean zaudela.