Erabilera

3.1. Fitxategi-sistema osoa eskaneatzea

Fitxategi-sistema osoa eskaneatzen hasteko, hautatu menuko Analizatzailea ▸ Eskaneatu fitxategi-sistema, edo sakatu tresna-barrako Eskaneatu fitxategi-sistema botoia.

Eskaneatutakoan, fitxategi-sistemaren zuhaitz osoa izango duzu, hurrengo irudikoa bezalakoa.

Figure 2Disko-erabileraren analizatzailea - fitxategi-sistema osoa eskaneatzea

Fitxategi-sistema oso bat eskaneatzean, zuhaitza marrazten hasiko da Disko-erabileraren analizatzailearen leihoa, haria fitxategi-sistema eskaneatzen hasi bezain laster. Fitxategi-sisteman partizio handiren bat muntatzen bada, hori ere eskaneatuko da.

Direktorio-zuhaitzean tamainak bistaratzeko, esleitutako lekua hartuko du kontuan disko-erabileraren analizatzaileak. Alegia, benetako disko-erabilerari dagokio bistaratze-tamaina, eta ez direktorioaren itxurazko tamainari. Fitxategien itxurazko tamaina ikusteko, desautatu Ikusi ▸ Esleitutako lekua.

Disko-erabileraren analizatzaileak ez du zenbatuko /proc direktorioa, ezta fitxategi "arrunt" batekin erlazionatuta ez dauden fitxategien tamainak ere; beraz, ez dira direktorioaren tamainaren parte izango esteka sinbolikoak, karaktere-blokeak eta gailu-blokeak.

Esteka fisikoak bestela kudeatzen dira: lehenengo esteka fisikoa fitxategi normaltzat hartzen da; inodoen gailu bererako hurrengo estekak, aldiz, ez dira zenbateko osoan kontuan hartzen, baina leihoaren eskuineko zutabean nabarmentzen dira.

3.2. Karpeta bakarra eskaneatzea

Karpeta bakarra eskaneatzen hasteko, hautatu menuko Analizatzailea ▸ Karpeta eskaneatzea..., edo sakatu tresna-barrako Eskaneatu karpeta botoia.

3.3. Urruneko eskaneatzea

Urruneko zerbitzari baten karpeta bat eskaneatu behar baduzu, egin klik tresna barrako Eskaneatu urruneko karpeta ikonoan edo hautatu menuko Analizatzailea ▸ Eskaneatu urruneko karpeta, eta elkarrizketa-koadro hau agertuko zaizu. Disko-erabileraren analizatzailea zerbitzari batera konekta daiteke ssh, ftp, smb, http eta https protokoloen bidez.

Figure 3Disko-erabileraren analizatzailea - urruneko karpetak eskaneatzea