Bikoteak

Rosanna Yuen-ek idatzia

3.21.1. Konfigurazioa

Karta mota Karta sorta estandarra
Sorta Goiko ezkerreko pila. Karta sortaren gainerako zatia hemen kokatzen da mahaian eskualdi bat banatutakoan. Kartak banan-banan iraultzen dira hondarrera. Beste bi aldiz banatu daiteke.
Hondarra Sortaren eskuinean. Sortatik hartzeko. Goiko karta jokoan erabiltzeko prest dago.
Biltegia Zazpi pila eskuinean, arkua osatuz (U alderantziz). Jarri karta bat pila bakoitzean, gora begira. Eskualdia banatzean errege bat agertzen bada, kendu erregea eta jarri sortaren azpian. Jarri beste karta bat pila horretan. Biltegiko pila bakoitzean karta bat egon daiteke. Biltegiko pila bat hutsik dagoenean automatikoki betetzen da hondarretik edo, hondarra hutsik badago, sortatik. Hasierako eskualdi-banaketa amaitutakoan errege bat biltegiko pilan badago, pila hori blokeatua gelditzen da erregea mugitu ezin delako.
Oinarria Pila bat, biltegiaren azpiko errenkadako erdikoa. Bikoiztuz osatu behar da, hasierako kartatik hasita, irudia edo kolorea kontuan hartu gabe.

3.21.2. Xedea

Karta guztiak oinarri-pilara eramatea.

3.21.3. Arauak

Kartak oinarrian jar daitezke oinarriaren gainean une horretan dagoen kartaren balioaren bikoitza baldin badute. Txankak eta erreginak hamaika eta hamabi balio dute, hurrenez hurren. Oinarriko kartaren balioaren bikoitza hamahiru baino handiagoa bada, kendu hamahiru eta hurrena behar den kartaren balioa lortzen da. Hona hemen seriea:

A, 2, 4, 8, 3, 6, Q (erregina), J (txanka), 9, 5, 10, 7, A...

Kartak banaka iraultzen dira sortatik hondarrera. Sorta hustutakoan, eraman hondarreko karta guztiak berriz sortara, ordena errespetatuz. Hiru aldiz pasa daiteke karta sorta hondarrera.

3.21.4. Puntuak

Oinarri-pilako karta bakoitzeko, puntu bat.

Puntuaziorik altuena: 48

3.21.5. Estrategia

Erregerik gabe, ezinezkoa da errege-hiltzaile izatea. Saihets itzazu.