Navinki dla karystalnika

Prajekt GNOME nadalej zasiarodžvaŭsia na zručnaści vykarystańnia, vydajučy GNOME 2.22. Było zroblena mnostva vypraŭleńniaŭ pamyłak, pra jakija nam paviedamili karystalniki. Taksama my dadali šmat mahčymaściaŭ, pra jakija nas paprasili. Palapšeńniaŭ tak šmat, što my nie zmahli b pieraličyć tut usie, ale pasprabujem adciemić najlepšyja ŭ hetym vydańni GNOME.

3.1. Kamera!

Vyjava 2Prahrama Cheese.

U GNOME 2.22 źjaviłasia novaja aplikacyja, Cheese. Cheese dazvalaje rabić zdymki j videa na web-kameru kamputara. Dla hetych medyjaŭ možna ŭžyć raznastajnyja efekty (napr., nakładańnie śvietlalilovaha koleru, zaciamnieńnie, vyśviatleńnie, pierakošańnie dy inšyja). Ty možaš dasłać ich svaim siabram, zahruzić u prahramu F-Spot ci zrabić zdymkam dla tvajho kontu.

3.2. Kampazycyja voknaŭ

GNOME 2.22 dadaje mahčymaść kampazycyi voknaŭ na platformach, jakija jaje padtrymlivajuć. U adpaviednaści z pryncypam lohkaści vykarystańnia GNOME, hetaja mahčymaść nie pierahruvaščvaje rabočy stoł. Najbolej zaŭvažnymi źmienami źjaŭlajucca cieni ad voknaŭ, žyvy prahlad voknaŭ pry ich pieraklučeńni klavišami Alt+Tab dy efekty prazrystaści.

Nia ŭsiakaja hrafičnaja aparatura stabilna pracuje z kampazycyjaj, tamu hetaja mahčymaść pakul što zmoŭčana adklučanaja i nia vystaŭlenaja ŭ naładach. Kali ty ŭpeŭnieny, što pracuješ z hrafičnaj aparaturaj, jakaja padtrymlivaje kampazycyju, tady možaš vykanać nastupny zahad: gconftool-2 -s --type bool /apps/metacity/general/compositing_manager true albo vystaviŭšy adpaviedny kluč praz Redaktar naładaŭ. Kab adklučyć kampazycyju, vystaŭ hety kluč u false.

3.3. Palapšeńni dla sietkavych fajłavych systemaŭ

U GNOME 2.22 źjaviłasia padtrymka GVFS, novaha srodku dla pracy ź virtualnymi fajłavymi systemami dla GTK+, jaki nie zaležyć ad miesca pałažeńnia resursaŭ. Systema GVFS sprajektavanaja takim čynam, kab złamać abmiežavańni zastarełaj systemy GNOME-VFS. Napr., ciapier nia treba pomnić źviestki dla aŭtaryzacyi ciaham usioj sesii, a praca z fajłami stała bolš ustojlivaj pry pamyłkach. Šmatlikija aplikacyi GNOME užo pracujuć praz GVFS, u tym liku asnoŭnyja prahramy asiarodździa.

Pierajšoŭšy na systemu GVFS, GNOME ciapier trymajecca specyfikacyi Śmietnicy ad prajektu Freedesktop.org, kab zachoŭvać vydalenyja fajły.

Taksama ciapier padtrymlivajecca bolš pratakołaŭ. cdda:// ciapier pakazvaje ŭsie hukavyja ściežki na dysku CD, dastupnyja ŭ farmacie fajłaŭ WAV. gphoto2:// daje dostup da padłučanaj ličbavaj kamery.

Kiraŭnik fajłaŭ GNOME ciapier lepiej pracuje sa źmiennymi nośbitami i pakazvaje infarmacyjnuju panel z mahčymymi dziejańniami, kali ty ŭstaŭlaješ źmienny nośbit ci pierachodziš u kataloh na im.

Techničnyja źviestki pra GVFS dastupnyja ŭ raździele Padraździeł 6.1 ― GVFS i GIO Navinak dla prahrameraŭ.

3.4. DVD, ličbavaja televizija...

U Videaplayery GNOME palepšyłasia padtrymka čytańnia DVD, a taksama ličbavaj televizii (DVB). U GNOME 2.22 źjavilisia novyja pluginy, napr., dla padtrymki MythTV, Youtube i pošuku praz Tracker. Jość padtrymka publikacyi śpisu i mahčymaść vybirać subtytry dla fajłaŭ.

GNOME 2.22 moža pracavać z fajłami Flash, u tym liku ź videafajłami, z dapamohaj svabodnaha dy adkrytaha dekodera Flash swfdec.

3.5. Suśvietny hadzińnik

Ciapier nia treba samomu vyličvać, kali ž pačniecca telekanferencyja z tvaim udziełam u Sydnei. GNOME 2.22 ciapier maje admysłovuju internacyjanalizacyju hadzińnika. Prosta dadaj miescy na ziamnoj kuli i naziraj za tamtejšym časam i nadvorjem.

Vyjava 3Internacyjanalizavany hadzińnik.

3.6. Praciah Evolucyi

Evolution praciahvaje ciešyć svaich karystalnikaŭ. U hetaj versii źjaviłasia padtrymka kalendaroŭ Google i ŭłasnych etykietak (cetlikaŭ) dla paštovych listoŭ.

Vyjava 4Evolution pakazvaje kalandar Google.

Taksama viałasia praca pa pavieličeńni chutkaści filtravańnia spamu. Paviedamleńni ab pamyłkach ciapier mienš zaminajuć pracavać, bo pakazvajucca nie ŭ vypłyŭnych voknach, ale ŭ paneli statusu.

3.7. Addaleny stoł

U GNOME 2.22 źjaviŭsia Prahladalnik addalenych stałoŭ. Hetaja aplikacyja dapaŭniaje najaŭny server addalenych stałoŭ GNOME. Jana padtrymlivaje pošuk kamputaraŭ u lakalnaj sietcy i stvareńnie zakładak dla ich.

Vyjava 5Prahladalnik addalenych stałoŭ pracuje ź dziejnym kamputaram.

Karystalnikam, jakija vymahajuć bolšaj kolkaści mahčymaściaŭ dla servera addalenych stałoŭ, taksama spadabajecca novaja kartka Admysłovaje ŭ dyjalohavym aknie ŭłaścivaściaŭ hetaj prahramy.

3.8. Sproščanyja nałady klavijatury

Nałady raskładak i dastupnaści klavijatury ciapier spałučanyja ŭ adnym dyjalohavym aknie, u jakim źmiaščajucca ŭsie patrebnyja nałady klavijatury. Klavijaturnyja skaroty asiarodździa pakinutyja asobna.

Vyjava 6Novaje dyjalohavaje akno naładaŭ klavijatury.

3.9. Ale heta nia ŭsio...

GNOME 2.22 utrymlivaje mnostva vypraŭleńniaŭ i palapšeńniaŭ ad apošnich šaści miesiacaŭ raspracoŭki, miž inšym:

  • ciapier možna adčyniać kantakty Evolution prosta z paneli Deskbar;
  • u Tekstavym redaktary palepšyŭsia praces druku;
  • u Šachmaty praź sietku ciapier mohuć hulać niekalki hulcoŭ;
  • u Epiphany źjavilisia nahadvańni ab zahruzkach fajłaŭ;
  • Kiraŭnik archivaŭ ciapier padtrymlivaje archivy LZMA (7-zip);
  • ciapier kamputar nie zasynaje j nie hibernuje padčas zapisu dyskaŭ;
  • Hartač dakumentaŭ ciapier pracuje chutčej dy ŭžyvaje mieniej pamiaci;
  • taksama Hartač dakumentaŭ padtrymlivaje pierachody pamiž staronkami dla demanstracyi słajdaŭ PDF;
  • Tomboy ciapier moža spałučać natatki ŭ natatniki;
  • Sound Juicer padtrymlivaje bolej metaźviestak, u tym liku numar dysku j hod;
  • narešcie, palapšeńni ŭ dakładnaści j zručnaści Kalkulatara;
  • Kiraŭnika klučnikaŭ całkam zamianiŭ Seahorse;
  • i jašče šmat inšych źmienaŭ, jakija vartyja taho, kab ich ubačyć!