Подобрување на опциите
Ако користите лаптоп, имате проблеми со наоѓање на слободно место на тврдите дискови, сакате да ги прилагодите предметите во менијата или тешко Ви е да ги зачувате сите Ваши лични информации, ќе бидете среќни што ќе го надрадитe GNOME до верзијата 2.16.
2.1. Подолг живот за Вашиот лаптоп
Ако патувате многу со Вашиот лаптоп компјутер, новиот вграден менаџмент за енергија на GNOME 2.16 ќе Ви биде од голема помош. Ви дозволува да ја управувате батеријата, непрекинливото напојување на струја (UPS), и безжичните уреди. Исто така Ви нуди графикони кои Ви прикажуваат колку енергија се троши.

Менаџментот на енергија лесно се контролира од иконата на панелот. Едноставниот дијалог за преференции Ви дозволува да го прилагодите за различни ситуации во кои ќе го користите Вашиот компјутер базиран на GNOME.

Со обезбедувањето на поврзувања преку стандардизирани DBUS методи, другите програми можат да взаемнодејствуваат со зачувувањето на енергијата и притоа да ја намалат потребата од рачно конфигурирање на менаџментот за енергија. На пример, апликација како nautilus може да го запре мирувањето на компјутерот кога копира големи датотеки или сервис како beagle може да го забави режимот на индексирање ако компјутерот работи на батерија.
2.2. Поедноставено запишување на белешки
Телефонски број, идеа, состанок со пријателите -- Вашиот живот е бескраен тек на мали количества информации. Нивното следење може да е тешко и фрустрирачко, но GNOME 2.16 го прави тоа лесно со моќниот запишувач на белешки наречен Tomboy.

Правењето белешка е едноставно како кликнување на иконата на Вашиот панел и одбирање „Нова белешка“. Но клучот за корисноста на Tomboy лежи во неговата можност да ги поврзува белешките и идеите една со друга: Само обележете фраза, кликнете на копчето за врска и се појавува нова белешка. На овој начин можете да ги организирате Вашите идеи на начин кој што има смисла за Вас. А врските меѓу Вашите идеи нема да се раскинат, дури ни ако ги преименувате или реорганизирате.
2.3. Подобрено уредување на менијата
Уредувањето на менијата се поедностави. Стариот уредувач на менија беше заменат со нов, Alacarte, кој е познат на корисниците на Ubuntu. Кога сакате нови менија, нови предмети или разделувачи Alcarte прави промените да се извршат полесно за да се адаптираат на Вашите потреби.

2.4. Поголема контрола врз просторот на Вашиот диск
Ако сте од оние луѓе кои секогаш се соочуваат со недостаток на празно место на тврдиот диск, ќе бидете среќни кога ќе дознаете дека GNOME 2.16 носи нова алатка со која се добива подобра слика за тоа како се користи просторот на тврдиот диск. Со Baobab можете да анализирате како се употребува просторот и можете да пронаоѓате и отстранувате датотеки кои зафаќаат простор. Скенирајте локални или оддалечени директориуми, папки по желба или пак целиот датотечен систем и Baobab ќе Ви ја прикаже големината на сите директориуми кои се пронајдени.

2.5. Нов читач на екранот
Луѓето со оштетен вид ќе го примат со задоволство новиот читач на екранот на GNOME - Orca. Користејќи го интерфејсот за обезбедување на помошни технологии (AT-SPI) за анализирање на екранот, Orca ги вади содржините на екранот преку разни комбинации на читање на екранот, брајови уреди или со зголемување. Поддржани се сите апликации и алатници кои поддржуваат AT-SPI.
2.6. Totem го подобрува веб прелистувањето на мултимедија
Totem, пуштачот на видео на GNOME, поддржува читање и запишување на XSPF плејлисти, отворен стандард кој им овозможува на луѓето да споделуваат плејлисти.
Totem има нови возбудливи опции и некои поважни поправки на неговиот приклучок за прелистувач правејќи го Totem во спој со Вашиот веб прелистувач чисто задоволство. Забележливи промени се интероперативноста на веб страниците кои имаат вградено Real и Windows media пуштачи, дури ако страницата проверува дали имате Windows Media или Real Player. Дури и javascript околу нив ќе работат. Totem сега дозволува и да слушате музика во позадина на веб страниците кои го поддржуваат тоа.
2.7. Многу мали но корисни промени
- Сега ќе можете да го проверите правописот на текстот внесен во Epiphany веб прелистувачот.
- Сега ќе можете да се префрлате помеѓу отворените прозорци на одредена апликација со користење на кратенката Alt+F6. Секако, сѐ уште ќе можете да ја користите кратената Alt+Tab за преминување меѓу отворените прозорци на работниот простор.
- Можете да ги поместувате аплиакциите помеѓу разни работни простори со влечење на нивната икона на листата на прозорци на посакуваниот работен простор.
- Сега ќе можете полесно да ги забележувате датотеките заштитени со лозинка внатре во архивите поради амблемот прикажан за овие датотеки.
- Сега ќе можете да прегледате затишје на цел екран.
- Можете да снимате DVD директно преку Nautilus CD снимачот; нема потреба да правите слика(image) повеќе.
- Сега ќе можете да ги користите и белешките за потсетување од постоечките GroupWise сметки со користење на Evolution.